Bilang pakikiisa sa Pambansang Buwan ng mga Kababaihan ngayong buwan ng Marso, inihahandog ng National Commission for Culture and the Arts (NCCA) at The Metropolitan Theater, sa pakikiisa ng Film Development Council of the Philippines (FDCP) at ABS CBN Sagip Pelikula ang pelikulang &lsquo;Himala&rsquo; sa direksyon ni Pambansang Alagad ng Sining Ishmael Bernal, sa panulat ni Pambansang Alagad ng Sining Ricky Lee at pinagbibidahan ni Pambansang Alagad ng Sining Nora Aunor, bilang bahagi ng Mga Hiyas ng Sineng Filipino.Nasaksihan ni Elsa (Nora Aunor) ang isang aparisyon ni Birheng Maria sa tuktok ng burol kung saan siya natagpuan at inampon ni Saling (Vangie Labalan). Walang naniniwala na mga taong nayon hanggang sa magsimulang gumaling si Elsa. Ang mga taong mayaman at mahirap ay dumagsa sa malayong nayong ito, na nagbibigay inspirasyon sa mga negosyante na magtayo ng mga negosyo na ang ilan ay nagpapaupa ng kanilang mga barung-barong bilang tuluyan para sa mga dayuhan. Sinubukan ng isang direktor na idokumento ang mga pagpapagaling at mga aktibidad ni Elsa. Ngunit isang insidente ang naganap kina Elsa at si Chayong (Laura Centeno) habang nagdarasal sa burol. Ito ang naging dahilan kaya huminto si Elsa sa pagpapagaling.Abangan ang mangyayari kapag isiniwalat ni Elsa ang tunay na dahilan ng kanyang kakayahan sa pagpapagaling.Ang Himala ay mapapanood sa Metropolitan Theater sa darating na ika-16 ng Marso, araw ng Linggo sa ganap na ika-9:30 ng umaga.&nbsp;